جيت نحكيلكم حكايتي مدام الناس اكل راهم يبعتو.. حبيت انو نشارك معاكم قصتي ومتمنا تبارطاجيوهالي.. انا بنت اسمي مروى عمري 25 سنة.. نبدالكم حكايتي من الصغر كانت عادية كان عندي خويا واحد وانا وزوز بنات خياتي..
انا حكايتي تبدا من لي كان عمري 17 سنة رحت انا عند خالتي وهي عندها غير بنت وولد، راجلها ميت ربي يرحمو ايا انا رحت بت عند خالتي هادي وكنا في يوم يهبل انا خالتي وبنتها خرجو وانا قعدة وحدي نحضر واش ناكل خاطرش كانت خالتي معروضة لعرس ايا فالليل جوايه 10تاع ليل كي مزال شوي وتجي خالتي نقلكم اعلا ولد خالتي هدا عمرو 28سنة طويل عينه خضر وشعرو اسود مليح فل الزين ايا هو كان طايح فيا وانا مديتهاش فيه ايا هو مع دخل انا كنت فل الصالو جا ليا هو قالي روحي ديريلي قهوة انا مهدرة والو رحت نديرها وانا كي قربت نفضها جا ليا وبدا يتحرش بيا.. انا مفقتش بروحي حتى عطيتو كف منبعد شاف معايا قالي علاش هكا قتلو انت مكش متربي ورحت حكمت البيت وغلقتها وهو يطبطب قالي والله غير تخلصيه غالي هاد الكف..
ايا جات خالتي قاتلي وشبيك يا بنتي انا قتلها والو تعاركنا برك هدا مكان ايا انا رحت مع بنت خالتي نعست وكل واحد حكم بلاصتو فل اليوم لي موراه كنت مروحا مع لعشية مخلاتنيش قاتلي يوصلك ولدي بسيف انا محبيتش مي سيفت اعليا ايا انا ركبت وانا خايفة كي وصلنا لدارنا بالمناسبة هو اسمو شمس الدين نعيطولو شمسو قالي والله العظيم ااكف مهوش ناسيوهلك ايا انا هبطت نجري رحت لدارنا قيت خويا وختي وحدة لخرا كانت مع صاحبتها شافني خويا قالي وشبيه وجهك مخطوف قتلو والو قالي لا كاين حاجة قتلو ايه جارنا هاداك حب يدي نيميرويا بسيف ايا خويا هبل كان رايح ليه اانا حكمتو حللتو حتى قبل باش ميروحلوش ايا انا العام هداك كنت باك قريت وجاهدت باش نجيبو ونفرح دارنا ايا فالنهار لخر تاع الباك كنت ماشيا وحدي تقدرو تقولو في طريق فارغة وانا كلي شفت خيال يتبع فيا انا وليت نمشي بزربة حتى نلقا واحد غمني بحاجة معرفتهاش دخت طول كي فطنت لقيت روحي في دار نجي نشوف نلقاه ولد خالتي ايه يا ناس ولد خالتي شمسو اغت*صبني 😭💔 انا نضت نعيط وليت نسب معرفتش واش ندير دمرت حياتي ايا قالي تشفاي اعلا الكف 😒
سبيتو مخليتلوش ومشيت نبكي فل الطريق الناس اكل شافتني نبكي حتى وصلت لدار قيت خوتي اكل قاوني فالخالة تاع لبكا تشوكاو قالولي واش صرا محبيتش نحكي خفت كون يسمع خويا يقتلو قتلهم مخدمتش اليوم واني خايفة منجيبوش
ايا انا دخلت في حالة اكتئاب حاد نقعد غير في بيتي شينت حتى وصل نهار النتيجة انا فرحت شويا حتى وصلتت الجامعة سجلت مع خويا لانو هو يقرا في نفس الجامعة سجلت في التخصص لي كنت نحلم بيه فرملية ايا من هداك العام بداو الخطابة يجيو وانا منقبلش خايفة يعرف خويا ويقتلني بلا ما يفهم درك انا عمري25سنة ومحبيتش نتزوج وخويا ما فاهم والو اعطوني حل يا خوتي انصحوني شا ندير كيفاش الحل الله يسجيكم 💔
