زميلات وزمايل مراتي من أيام الجامعة جاو علشان يسلمو ويطمنو عليها.. كلهم من نفس سنها.. وانا اعرفهم من ايام الخطوبه.. مراتي أول وحدة في أصحابها تتجوز..
كانت سهره حلوه جدا هزار وضحك وطبعا اتفرجو على كل غرفة بالبيت والحاجات بتاعتها ولبسها كله وكانوا معجبين جدا بديكور الشقه والعفش والاجهزه ماسبوش حاجه الا لما شافوها..
كانت اجمل الزيارات اللي جتلنا بعد فرحنا..
مشيو حوالي الساعه عشره بالليل..
قامت مراتي تضبط الصاله وتشيل الكوبيات والحاجات اللي استعملناها وراحت تغسلهم في المطبخ..
انا اساعدها وانظف السجاده ومكان ما كنا قاعدين
خلصنا وقعدنا نهزر ونتفرج على التليفزيون وكان فيلم رومانسي..
خلصنا الفيلم وقمنا عشان ننام دخلت اخدت دش وهي كمان اخدت الدش بتاعها ودخلنا اوضيتنا.. وقعدنا بنتكلم عن أصحابها اللي كانوا لسه ماشيين لقيت حد بيخبط على باب الأوضه..
انا قولت اكيد تهيؤات..
وتقريبا هي كمان مركزتش مع الصوت ..
وكلملنا كلام عادي.. مفيش ربع ساعه لقيت خبط على الباب تاني..
بصينا لبعضنا وقولتلها: دي تاني مره اسمع الصوت ده
قالتلي وانا كمان.. واحنا متأكدين ان مفيش حد غيرنا في الشقه.. وانا متأكد اني قفلت الباب كويس
مراتي خافت وانا قولتلها ثواني.. قمت نورت النور الكبير وخرجت اشوف في ايه.. ملقتيش حاجه نورت كل نور الشقه.. وشوفت كل الاوض.. ملقيتش حاجه.. رجعت لقيتها مرعوبه قولتلها متخافيش مفيش حاجه ممكن يكون حد من جيرانا في الدور خبط بصوت عالي شويه واخدتها في حضني عشان تتطمن..
وفضلت اهديها لما نامت وانا متأكد ان الخبط كان على باب الاوضة..
نامت ونمت انا كمان وصحيت الصبح لقيتها صاحيه ومجهزه الفطار.. فطرنا..
عدا اليوم تمام واول ما دخلنا الاوضه ونمنا علي السرير لقينا الصوت تاني
لقيتها اتنفضت من الخوف جانبي طمنتها.. وقمت من جانبها..اخدت بخاخه فاضيه وعبيتها مياه وقريت عليها الرقيه الشرعيه وآيات معينه سورة البقرة وآل عمران والصافات آية الكرسي والمعوذتين والأخلاص
بعد ما رشيت الشقه بالميه اللي قريت عليها قرآن الا الحمام..
وشغلت التليفزيون على قناه القرآن الكريم
ودخلت الاوضه وبقرب من مراتي لقيت باب الشقه الخارجي بيخبط تاني
طبعا مراتي بقت ميته من الرعب بس انا اتأكدت اني اثرت على المخلوق ده وقدرت اخرجه من الشقه
طمنتها وقولتلها مش هتسمعي صوت تاني.. خرجت فتحت باب الشقه ورشيت قدامها تقريبا رشيت الدور كله
والسلم فوق وتحت وباب الأسانسير ودخلت عشان اشوف اخرتها معاه
اكيد الكل مستغرب انا ليه بتعامل بهدوء كدا ومش خايف
ودا (اولا ) عشان انا ليه شيخ صديقي وحضرت معاه اكتر من موقف
(ثانيا ) عشان مراتي تحس بالامان
دخلت الاوضه ومنتظر اشوف هيخبط تاني ولا ايه..
كملنا كلام عادي مفيش ربع ساعه لقيت خبط على الباب تاني
الحمدلله ملقيتش صوت تاني يوم اتصلت بصديقي
وقولتله على اللي حصل قالي اكيد ده عمار البيت
وانت كدا خلاص مشيته بس هعدي عليك احصن البيت
بسرعه كان عندنا الشيخ.. واول ما دخل الشقه
لقيت مراتي وقعت من طولها بقولها في ايه قالتلي
رجليا انا اتشليت شلتها نيمتها في سريرها وخرجت
بيسالني في ايه قولتله سكت
وقالي كدا الموضوع مش عمار المكان روح هات لي كوبايه فيها شوية ميه
جبت له البخاخه اللي استعملتها وبيتها ميه
مسكها بدا يقرا فيها بصوت واطي
حوالي ربه ساعه لقيت مراتي بتصرخ جوه
دخلت لقيتها وشها ازرق وبتتخنق ومش عارفه تتنفس
ناديت عليه بسرعه الشيخ قرأ على رأسها
وفضل يقرء حوالي نص ساعه لقيت وشها بدء يرجع تاني وبتتنفس بهدوء
وراحت في النوم
اخدته وخرجنا قعدنا في الصاله وانا مستغرب في ايه
بسأله في ايه قالي مين دخل اوضتكو من بعد الجواز
قولتلو طبعا قرايبها يوم الصباحيه وصحابتها
اللي لسه كانو موجودين من بيومين قالي طيب انا هنزل وارجعلك تاني بسأله طب في ايه قالي لما ارجع هتعرف
ونزل جاب بخور ومية موارد وحاجه كدا اسمها حنتيت وحاجات انا معرفهاش وجاب فحم وقالي: هات لي حله كبيره مليانه ميه وحاجه اولع فيها الفحم جبتله اللي طلبه.. ودخلنا الاوضه ولسه مراتي نايمه محستش باي حاجه مع ان نومها خفيف جدا ااقل حاجه بتصحيها..
ولع الفحم وحط عليه بخور.. وبدأ يقرأ قرآن..
شويه ولقيت مراتي بتصرخ وبتقوله: اخرج برا انت جاي تعمل ايه انت عايز تموتني
رد عليه الشيخ قاله: انت اللي بتعمل ايه هنا وعايز منها ايه.. قالوا: انا غصب عني مأمور اني ابعدهم عن بعض واخرب البيت
الشيخ قاله مين اللي بعتك وعايز يخرب البيت ليه سكت ومش عايز يرد الشيخ سأله تاني برده ساكت
رجع الشيخ يقرأ تاني وحط بخور من نوع تاني..
الجن وقتها بدأ يصرخ ويتألم ويقوله كفايه
هتحرقني كفايه هتحرقني
الشيخ سكت وقاله قول اسمك وديانتك ومين اللي بعتك قاله هيقتلوني
ويقتلوا اولادي اخدوهم عندهم رهاين لو منفذتش المطلوب هيقتلوهم ويقتلوني..
الشيخ: انا كدا كدا هحرقك
لو ما قولتش بس لو جاوبت على اسئلتي وخرجت منها هساعدك واساعد اولادك ود عهد عليه عاهدني
قاله مش هتكلم والا هسيب الجسد ده الا لما تنفذ عهدك وتنفذ اولادي الشيخ سكت
واخد حته من بخور الحنتيت وحطها على النار
وبدأ يقول كلام مش مفهوم ويشاور باديه وبصوابه الكلمه الوحيده اللي فهمتها
العجل العجل الساعه الساعه وفضل يكررهم كتير وسكت شويه وضحك وقال الجن طلبك اتنفذ اولادك في امان رد على اسئلتي
رد الجن: انا لي اختارتها ومحدش هيقدر يبعدني عنها.. انا العاشق الي ساكن جواها، انا الدم الي بيجري جواها، انا الروح انا الملك تيمارووون
بحكم الف جان مسخرين لخدمتي وخدمتك
تؤمري كل شي تحت امرك..تشاوري تلاقي كل حاجه تحت رجليكي
فجاءه لقيت نفسي علي سريري ووسط عيلتي والشيخ ماسك المصحف وبيقرأ منه..
-الحقوووني..الحقني ياشيخ ابوس ايدك الحقني
الشيخ مش بيرد عليا وبيقرأ قرآن وجوزي واقف جمبه مكاني على السرير.ندهت بعلو صوتي هموت لكن محدش راضي يسمعني سمعت جوزي بيكلم الشيخ وبيقوله.
– مراتي بتنده علينا ياشيخ
-دي مش مراتك يا احمد..ده الملعون الي جواها هو الي بيحركها وبيتكلم بلسانهاا
لا لا يا حمد ارجوك ده انا صدقني اناا..
امي في اللحظة دي وصلت فتحت باب الأوضه وجريت علي السرير وحضنتي والشيخ وقف قراءة القرآن
فهمت منه أن صاحبتي حنان كانت بتحب احمد جوزي جدا وكانت متوقعة انو هيتجوزها فلما عرفت ان أحمد اتقدم لخطبتي اتجننت وبقى كل همها ازاي تفركش الموضوع فراحت لراجل بتاع اعمال سفلية.
ويسكت شويه ويقولي حاولي حاولي
صرخت وبقوله مش قاااادره
لقيت صوتي طلع
ايه ده انا صوتي ظهر اهوو
اخيرا صوتي طلع..كلمت الشيخ وعليت صوتي لاني حاسه أنه سامعني
-اعمل ايه ياشيخ قولي اعمل اييييه؟!
-قولي ورايا
(اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ)
انا سامعه صوت صريخ وانين عياط
معرفش منين بس تقريبا الموضوع بينجح
فضل الشيخ يقولي آيه ورا آيه وسورة ورا سورة وانا سامعاه وبقول وراه
لحد ماظهرلي لآخر مره عمري ماهنسي الي حصل في المره دي بالذات
وقف قودامي وهو بيترجاني وبيقولي
-انا عاشقك انا خادمك انا عاوزك
انا الملك انا الجبروت انا الملك تيمارووون -انت ملعون ليوم الدين
انت ضعيف ربنا الحي الذي لا يموت وهو الجبروت وهو الرحمن
انا عمري ماهكون ملكك ولا ملك لاي ملعون فيكم
بصلي بنظرة كلها رعب وقوة وقالي أنه راجع
راجع ومش هيسييني في حالي وهتفضل لعنته مصحباني انا وأحفاد احفادى وفجاءه اختفى
ووفقت لقيت امي وابويا والشيخ باصنلي والاوضه مكركبه ومتكسره وكل هدومي مترميه في الأرض ودولابي مفتوح
بصيتلهم بابتسامه وقلتلهم
-خلاص…خلاص ياشيخ
-جوزي خلاص يا حبيبتي الموضوع مكنش سهل علينا ولا عليكي
-يعني انا كده هقدر اعيش طبيعيه
الشيخ= هقولك علي شوية حاجات تعمليها تحصني نفسك بيها واهمها الصلاة
-الحمد لله يارب..الحمد والشكر ليك يارب قمت اتوضيت وصليت ودموعي سابقه لساني
