في حي من الأحياء الشعبية وفي بيت صغير تسكن البطلة نتاعنا.. صوتها الحلو ينسمع من برا تطيب وتغني رغم معاناتها ولكنها دايمن تحمد ربي وتشكرو على نعمتو عمرها ما كرهت معيشتها رغم انو لوكان جات وحدوخرا في بلاصتها راهي هربت..
غرام هي بطلتنا طفلة شابة تهبل في اخلاقها رزينة وتعرف تتصرف في اي ظرف.. اللي يشوفها يعشقها رغم انو مفاتنها وزينها مخبيين في ملابسها الرثة القديمة.. عمرها 19 سنة بلوندة شعرها طويل يتمشى معاها مارون تخبيه في خيمارها وعينيها خضرين طول حياتها وهي فالهم لكن مازالت تقاوم
في جهة اخرى شكون مايعرفهمش عيلة المالكي بالشان والطبع في كل شي.. قيمة ومال وجاه واحترام.. يعرفوهم كل الناس ساكنين فيلا او بصحيح العبارة قصر يحكمو شخص واحد زين وعين وقيمة راجل بأصح العبارة.. عمرو 26 سنة محبوب الجماهير شعر كحل عينين نوازات ولحية خفيفة جسم مثالي.. لبنات الكل يعشقو فالتراب اللي يمشي عليه.. ولكن هو يحب وحدة اللي هي امل بنت طماعة لكن مايعرفهاش على حقيقتها هي صحبة غرام ولكن غرام ماتحبهاش بزاف بيسك تعرف نيتها الفاسدة هي طفلة في وجها تعرفها بلي شريرة والسي خونا مخدوع فيها هي قدرت تقرا عكس بطلتنا اللي جايت الباك وحبست كانت من افضل التلميذات ولكن واش تدير كي يعكسك القدر ماعليك غير ترضى بالقسمة والمكتوب
يتبع…
